„Leiðinleg umræða sem skapast hefur í kringum Brynjólf Andersen, oft skotspónn fyrir að vera litríkur karakter,“ segir Gunnar Birgisson, knattspyrnuþjálfari og íþróttafréttamaður, á Twitter síðu sinni. Brynjólfur fékk gult spjald í fyrri hálfleik en að mati margra átti hann að fá annað gult, og þar með rautt spjald, í leiknum.
„Hér er á ferðinni einn hæfileikaríkasti leikmaður deildarinnar. Nær eini umræðupunktur um hann í gær var að hann ætti að fá rautt,“ segir Gunnar en hann deilir síðan myndskeiðum af ýmsum atvikum úr leik gærdagsins sem vekja upp spurningar um dómgæslu leiksins. Valsarar sjást brjóta af sér en uppskera ekki spjöld fyrir brotin. Óskar Hrafn, þjálfari Breiðabliks, tók einnig eftir þessu en hann biðlar til dómarastéttarinnar í viðtali við Vísi. „Það er dæmt í hvert skipti hann [Brynjólfur] snertir mann en hann fær ekkert hjá einum né neinum. Með þessu áframhaldi gerum við lítið annað en að hrekja besta leikmanninn í deildinni úr landi. Bið bara til dómarastéttarinnar að sýna sanngirni.“
Myndskeiðin sem Gunnar deilir sýna ýmis atvik sem mörgum finnst eflaust að ættu að enda með gulu spjaldi. Í fyrsta myndbandinu sem Gunnar deilir má sjá Birki Má Sævarsson landsliðsmann með dólg en hann hleypur að boltasækjara og biður um boltann, til þess eins að kasta boltanum í burtu.
Síðar í leiknum hleypur Birkir og biður um boltann, til þess eins að kasta honum í burtu. Ekki gult. pic.twitter.com/Nbj6GX1HU9
— Gunnar Birgisson (@grjotze) July 20, 2020
Þá sýnir Gunnar atvik þar sem Brynjólfur hefði getað fengið seinna gula spjaldið. Brynjólfur hleypur á Valsara en hann sést þó reyna að draga úr hraða og reyna að komast hjá snertingu.
Gott og vel, seinna gula á Brynjólf, hleypur á Rasmus, þrátt fyrir að draga úr hraða og reyna að komast hjá snertingu þá, jú, hér má réttlæta gult. pic.twitter.com/mE0334jzXm
— Gunnar Birgisson (@grjotze) July 20, 2020
Í næsta myndskeiði má sjá landsliðsbakvörðinn Birki Má Sævarsson taka Brynjólf niður án þess að fá gult spjald fyrir vikið.
Landsliðsbakvörðurinn hlýtur þá að fá gult hér. Ha? Nei? Jæja okei. pic.twitter.com/IINOpeiSkM
— Gunnar Birgisson (@grjotze) July 20, 2020
Síðan í næsta myndskeiði má svo aftur sjá Birki Má tækla Brynjólf en í þetta skiptið aftan frá.
Tækling frá bolta, aftanfrá. Landsliðsbakvörðurinn aftur. Hvað er sameiginlegt með þessum brotum? pic.twitter.com/y3rkXTzRj9
— Gunnar Birgisson (@grjotze) July 20, 2020
Gunnar deilir fleiri myndskeiðum með brotum Valsara en hann segir tilganginn alls ekki vera væl. Hann segir Val hafa útfært leikinn frábærlega í gær og að þeir ættu sigurinn skilið. „En eru leikmenn spjaldaðir út frá nöfnum á bakinu á þeim?“ veltir Gunnar fyrir sér. Að lokum birtir hann myndband af gæðunum sem Brynjólfur sýndi í leiknum. „Hann setur einn besta varnarmann deildarinnar í annað póstnúmer og valsar framhjá.“
Tilgangurinn? Væl? Nei alls ekki. Valur útfærði leikinn frábærlega í gær og áttu sigurinn skilið en eru leikmenn spjaldaðir út frá nöfnum á bakinu á þeim?
Læt hér fylgja með gæði Brynjólfs þegar hann setur einn besta varnarmann deildarinnar í annað póstnúmer og valsar framhjá. pic.twitter.com/8egnw8jswg
— Gunnar Birgisson (@grjotze) July 20, 2020
