Nani, fyrrum leikmaður Manchester United, brast í grát á sínum tíma eftir erfiðar vikur á Old Trafford.
Nani greinr sjálfur frá þessu en honum fannst hann hafa brugðist Sir Alex Ferguson sem þjálfaði liðið á þeim tíma sem og stuðningsmönnum.
Portúgalinn ræddi við vin sinn Patrice Evra áður en hann náði að snúa genginu við og byrjaði fljótt að spila mjög vel fyrir félagið.
,,Evra var eins og bróðir minn. Það var tímpunktur þar sem ég var ekki að spila vel og stuðningsmennirnir voru ekki sáttir. Sir Alex var heldur ekki ánægður og ég var reiður út í sjálfan mig,“ sagði Nani.
,,Einn daginn þá varð þetta of mikið og ég fór að hágráta. Ég leitaði til Pat sem var í heita pottinum á æfingasvæðinu og lét allt flakka.“
,,Ég spurði hann af hverju vinnan mín væri ekki að borga sig, af hverju dómararnir væru á móti mér. Seinna sneri ég þessu við og sagði honum að ég myndi sýna þeim öllum hversu sterkur ég er.“