Knattspyrnustjarna í ensku úrvalsdeildinni hefur skrifað opið bréf þar sem hann greinir frá því að hann sé samkynhneigður.
Það er alls ekki algengt fyrir knattspyrnumenn að koma úr skápnum en því miður þá er líklegt að það yrði notað gegn þeim.
Þetta bréf var birt í kvöld en maðurinn er enn ekki tilbúinn að koma undir nafni og það skiljanlega.
Mirror birti bréfið í kvöld og má lesa það í heild sinni hér.
,,Ég er samkynhneigður. Meira að segja að skrifa þetta bréf er stórt skref fyrir mig,“ sagði stjarnan.
,,Hvernig er að lifa með þessu á hverjum degi? Það getur verið algjör martröð. Þetta hefur meiri og meiri áhrif á mína andlegu heilsu.“
,,Það er eins og ég sé fastur og það sem ég óttast er að ef ég kem út þá gerir það hlutina ennþá verri.“
