Nú er í gangi leikur Atletico Madrid og Barcelona en leikið er á Nou Camp, heimavelli Börsunga.
Fyrri hálfleikurinn hefur heldur betur ekki verið frábær fyrir Diego Costa, framherja Atletico.
Barcelona komst yfir á 11. mínútu en Costa skoraði þá klaufalegt sjálfsmark fyrir Atletico eftir hornspyrnu.
Ekki löngu seinna fékk Atletico vítaspyrnu og klikkaði Costa á henni en spyrnan var ansi slök.
Sem betur fer fyrir Costa þá fékk Atletico að taka spyrnuna aftur þar sem Marc Andre ter Stegen var kominn af línunni.
Saul Niguez steig næstur á punktinn fyrir Atletico og tókst að jafna og er staðan 1-1 þessa stundina.
