fbpx
Sunnudagur 30.nóvember 2025
433Sport

Andlegt flak þegar Logi labbaði inn í Vesturbæinn: „Símtöl um að það væri fundur í bankanum“

Hörður Snævar Jónsson
Mánudaginn 11. maí 2020 20:30

Logi Ólafsson.

Ekki missa af Helstu tíðindum dagsins í pósthólfið þitt

Lesa nánar

Logi Ólafsson, fyrrum þjálfari var í frábæru spjalli við Jóhann Skúla í Draumaliðinu þar sem hann gerir upp feril sinn sem hefur verið einstakur. Ekki skal útiloka að Logi þjálfi á nýjan leik.

Logi Ólafsson ræðir um tíma sinn sem þjálfari KR þegar hann tók við liðinu árið 2007. „Ég hef aldrei komið inn í hóp sem var jafn mikið andlegt flak, með fullri virðingu sem hafði verið gert. Þetta small ekki saman, þetta var orðið þannig að menn höfðu ekki trú,“ sagði Logi sem tók við af Teiti Þórðarsyni sem hafði gengið brösulega með KR.

„Þeim leið ekki vel, ég reyndi eftir minni bestu getu að lífga upp á stemminguna og fá upp sjálfstraust. Okkur tókst að halda okkur í deildinni.“

Margir af leikmönnum KR voru að vinna hjá Landsbankanum sem var í eigu Björgólfs-feðga á þessum tíma. Þeir feðgar eru miklir KR-ingar og leikmenn félagsins fengu margir vinnu í bankanum. „Þetta voru uppgangs tímar í þjóðfélaginu, Bjarnólfur Lárusson, Sissi Júll og Gulli Jóns, Grétar Ólafur. Þeir voru allir að vinna í Landsbankanum,“ sagði Logi um tímana.

„Svo var maður að fá símtöl um að það væri fundur í bankanum, að þeir kæmust ekki. Þetta var erfitt. Það voru teknar erfiðar ákvarðanir fyrir 2008 tímabilið,“ sagði Logi þegar hann ræddi þennan tíma.

Logi fór í miklar breytingar um veturinn og úr varð öflugt lið „Við áttum svo gott með að fá til okkar leikmenn, sem vildu verða betri. Trúðu á okkar vegferð, við erum bikarmeistarar 2008 og áttum ekkert sérstakt sumar í deildinni. Svo erum við að fá Gunnar Örn, Jónas Guðni, Baldur Sigurðsson og Guðjón Baldvinsson,“ sagði Logi og sagði að boð um gull og græna skó frá Valsmönnum hafi ekki haft áhrif.

„Við fengum aldrei nei frá neinum leikmanni þrátt fyrir að það væri félag á Hlíðarenda sem vildi borga miklu meiri peninga,“ sagði Logi léttur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Í gær

Lét gelda sig til að þurfa ekki að horfa á sama barnaefnið í fimmta sinn

Lét gelda sig til að þurfa ekki að horfa á sama barnaefnið í fimmta sinn
433Sport
Í gær

Halldór útskýrir nánar ummæli sín sem vöktu gríðarlega athygli – „Svo er það sett saman á einhvern hátt og þá er auðvelt að klippa þetta út“

Halldór útskýrir nánar ummæli sín sem vöktu gríðarlega athygli – „Svo er það sett saman á einhvern hátt og þá er auðvelt að klippa þetta út“
433Sport
Fyrir 2 dögum

City ætlar að slást við Arsenal og Real Madrid um næstu stjörnu Spánar

City ætlar að slást við Arsenal og Real Madrid um næstu stjörnu Spánar
433Sport
Fyrir 2 dögum

Arsenal og United fá að vita af verðmiða sem gæti fælt þau frá

Arsenal og United fá að vita af verðmiða sem gæti fælt þau frá
433Sport
Fyrir 2 dögum

Fyrrum leikmaður Liverpool útilokar ekki að félagið láni Wirtz frá sér í janúar

Fyrrum leikmaður Liverpool útilokar ekki að félagið láni Wirtz frá sér í janúar
433Sport
Fyrir 2 dögum

Frábær tíðindi hjá Chelsea fyrir stórleik helgarinnar

Frábær tíðindi hjá Chelsea fyrir stórleik helgarinnar