Paul Smith, starfsmaður Liverpool er látinn eftir baráttu við kórónuveiruna. Smith hafði verið mikið veikur eftir að hafa fengið veiruna.

Smith lést fyrir helgi en hann vann á Anfield heimavelli Liverpool og var vinsæll í starfi.

Á meðan Smith háði baráttu við veiruna þá fékk hann skilaboð um gefast ekki upp frá Steven Gerrard. ,,Ég hef fengið orðsendingu um að þú sért í baráttu við veiruna, það er mikilvægt að berjast áfram. Þú þarft að koma heim til dætra þinna,“ sagði Gerrard í síðustu viku.

Smith hafði starfað fyrir Liverpool í 28 ár. ,,Pabbi minn gerði hluti fyrir fólk sem hann vildi aldrei fá til baka, ég var svo stolt af því að kalla hann pabba minn. Hann var minn besti vinur,“ sagði Megan Smith, dóttir hans.

,,Læknarnir geru sitt besta, pabbi var bara of þreyttur undir restina og þetta var barátta sem hann gat ekki unnið.“

Eftir andlát Smith hefur Jurgen Klopp haft samband við samstarfsfélaga hans á vellinum og sent samúðarkveðjur.