Eitt frægasta atvik seinni ára í ensku úrvalsdeildinni átti sér stað árið 2013, þegar Luis Suarez þá framherji Liverpool beit Branislav Ivanovic þá varnarmann Chelsea.
Suarez hafði áður verið gómaður við að bíta andstæðing þegar hann lék með Ajax í Hollandi. Hann beit svo aftur andstæðing sinn á HM í knattspyrnu sumarið 2014.
Milljónir manna höfðu séð Suarez bíta Ivanovic í beinni útsendingu en hann reyndi að ljúga að samherjum sínum.
,,Þegar hann kom inn í klefa, þá neitaði hann fyrir allt. Hann vonaðist eftir því að myndavélarnar myndu sjá þetta,“ sagði Jamie Carragher þegar hann ræðir atvik við Sky í dag.
,,Hann missti af fjórum eða fimm leikjum í upphafi næstu leiktíðar, þar gat Liverpool orðið meistari og hann var besti maður liðsins.“
,,Það kom tap gegn Southampton og jafntefli gegn Swansea, fimm töpuð stig og Suarez í banni. Hann var frábær þetta tímabilið og hefði getað skipt sköpum þar. Bannið hafði mikil áhrif á Liverpool.“
