Edgar Benitez, fyrrum landsliðsmaður Paragvæ, er einn af þeim sem hefur safnað treyjum leikmanna á öllum ferlinum.

Benitez er 32 ára gamall en hann átti safn með yfir þúsund treyjum eftir að hafa leikið 58 landsleiki með Paragvæ.

Nýlega var brotist inn hjá Benitez og er búið að stela nánast öllum þeim treyjum sem hann átti.

Benitez staðfesti þetta sjálfur en yfir 900 treyjur eru nú seldar ólöglega á netinu.

Lögreglan hefur náð að endurheimta 65 treyjur og voru tveir menn handteknir fyrir þjófnaðinn.

Safn Benitez var ansi verðmætt en þar mátti finna treyjur frá leikmönnum eins og Lionel Messi og Paul Pogba.