Dele Alli, miðjumaður Tottenham var látinn mæta á æfingasvæði félagsins í gær. Var hann eini leikmaður félagsins á svæðinu.

Alli sem þénar 16 milljónir króna á viku er ekki að æfa eins og aðrir leikmenn á Englandi, útgöngubann er í landinu næstu þrjár vikurnar.

Fyrir rúmri viku þegar búið var að banna alla leiki á Englandi, ákvað Alli að skella sér út á lífið í London.

Hann var á Tape skemmtistaðnum á laugardag og sást yfirgefa hann 03:30 ásamt unnust sinni. Alli var svo varla sofnaður þegar sást til hans á hóteli í London.

Þar var hann mættur í hádegismat og byrjaður að hella í sig og segja ensk blöð að hann hafi verið lengi að. Kórónuveiran hefur breiðst hratt út í London og er Tottenham ekki ánægt með hegðun miðjumannsins. Hann var því kallaður á fund í gær.

Kyle Walker, James Maddison, Ben Chilwell og Riyad Mahrez voru með í för þegar Dele Alli var á Tape skemmtistaðnum.