Gylfi Þór Sigurðsson var með 750 milljónir króna í laun hjá Everton á síðasta ári ef marka má Viðskiptablaðið. Hann þénaði 450 milljónum meira en Jóhann Berg Guðmundsson, ef marka má frétt blaðsins sem birtist í upphafi árs. Jóhann sem leikur með Burnley þénaði 300 milljónir.
Gylfi er í algjörum sérflokki en Birkir Bjarnason þénaði 10 milljónum minna en Jóhann Berg. Gylfi og Jóhann Berg eru báðir í ensku úrvalsdeildinni.
Alfreð Finnbogason framherji Augsburg þénaði 220 milljónir en landsliðsfyrirliðinn Aron Einar Gunnarsson, 10 milljónum meira.
Tíu launahæstu samkvæmt Viðskiptablaðinu:
Gylfi Þór Sigurðsson Everton um 750 m.kr.
Jóhann Berg Guðmundsson Burnley um 300 m.kr
Birkir Bjarnason Aston Villa/Al Arabi um 290 m.kr.
Aron Einar Gunnarsson Cardiff/Al Arabi um 230 m.kr.
Alfreð Finnbogason Augsburg um 220 m.kr.
Björn Bergmann Sigurðarson Rostov um 190 m.kr.
Hörður Björgvin Magnússon CSKA Moskva um 185 m.kr
Sverrir Ingi Ingason PAOK um 180 m.kr.
Viðar Örn Kjartansson Rubin Kazan um 180 m.kr.
Ragnar Sigurðsson Rostov um 175 m.kr