Ef marka má enska götublaðið Daily Express, þá vill Harry Kane frekar fara til Manchester United en Manchester City.
Ensk blöð fullyrða að Kane skoði það alvarlega að fara frá Tottenham í sumar, hann vill nýja áskorun á ferli sínum.
Telegraph sagði fyrst frá málinu á dögunum en blaðið er talið áreiðanlegt þegar kemur að íþróttum.
Kane vill reyna á það að vinna titla á ferlinum, hann sér ekki fram á það hjá Tottenham. Ef marka má Express hefur Kane trú á því að Manchester United sé á leið í hóp þeirra bestu aftur.
Real Madrid, Juventus og fleiri lið eru sögð horfa til Kane ef han vill fara í sumar.
