Manchester United er komið með annan fótinn í 8-liða úrslit Evrópudeildarinnar eftir leiki gærdagsins.
United spilaði við austurríska félagið LASK Linz á útivelli og var í engum vandræðum þar. Þeir ensku reyndust einfaldlega of stór biti fyrir LASK og rústuðu leiknum með fimm mörkum gegn engu
Þeir Odion Ighalo, Daniel James, Juan Mata, Mason Greenwood og Andreas Pereira gerðu mörk United.
Ighalo er í láni frá Shanghai Shenuha í Kína, Ole Gunnar Solskjær vill kaupa framherjann frá Nígeríu í sumar. ,,Odion hefur gert vel og nýtur þess að vera hérna,“ sagði Solskjær.
,,Hann verður bara betri og mun bæta sig, hann hefur hæfileikana sem við þurftum og þurfum á næstu leiktíð. Við sjáum hvað við getum gert.“
