Billy Gilmour, ungur miðjumaður Chelsea vakti athygli fyrir vaska framgöngu í sigri liðsins á Liverpool í vikunni. Gilmour er 18 ára gamall.

Hann er að hefja feril sinn með liðinu og gæti náð langt. Hann lék gegn Manchester United á dögunum, og þar var hann í harðri baráttu við Harry Maguire, fyrirliða Manchester United.

,,Hann fór að ýta mér og tók mig hálstaki, hann sagði mér að ég væri bara lítið peð,“ sagi Gilmour sem byrjaði þann leik.

,,Ég verð að eiga við það, ég leyfi því ekki að gerast aftur. Þetta var lærdómur fyrir mig. Hann reynir að niðurlægja unga leikmenn, ég verð að læra af því og vera sterkari.“

,,Ég hef unnið í því og verð bara sterkari, þetta var lærdómur þegar hann reif í mig.“