Ari Leifsson hefur krotað undir samning við Stromsodset í Noregi. Þetta staðfesti félag hans Fylkir í kvöld.

Ari er fæddur árið 1998 en hann er uppalinn hjá Fylki og spilaði alls 63 leiki í meistaraflokk.

Í byrjun 2020 lék Ari einnig sinn fyrsta landsleik fyrir Ísland en hann mun nú reyna fyrir sér í atvinnumennsku.

Stromsgodset leikur í efstu deild í Noregi og hafnaði í 11. sæti deildarinnar á síðustu leiktíð. Hann gerir samning til ársins 2023.

Tilkynning Fylkis:

Ari Leifsson seldur til Strömsgodset í Noregi.

Ari sem er fæddur 1998 er uppalinn í Fylki og hefur spilað síðustu 5 ár í meistaraflokki félagsins, alls 63 leiki í deild og bikar.

Ari spilaði 14 leiki með U-21 árs landsliðinu og skoraði 1 mark í þeim leikjum.

Það var svo núna í byrjun árs 2020 sem Ari spilaði sinn fyrsta A-landsleik.

Við hjá Fylki erum stolt af Ara, óskum honum góðs gengis í Noregi og verkefnum næstu ára.

FYLKIR ÁRBÆJARINS BESTA