Andri Fannar Baldursson spilaði óvænt fyrir lið Bologna um helgina sem mætti Udinese í Serie A. Andri er aðeins 18 ára gamall en hann kom til félagsins frá Breiðabliki og þykir mjög mikið efni.
Miðjumaðurinn ræddi við heimasíðu Bologna eftir leik og viðurkennir að tækifærið hafi verið óvænt í 1-1 jafntefli. ,,Ég er mjög ánægður með fyrsta leikinn. Ég hef lagt mig fram í vikunni en bjóst ekki við að fá tækifæri ef ég á að vera hreinskilinn,“ sagði Andri.
,,Stjórinn sagði mér að fara út á völlinn og skemmta mér, ég reyndi að gera mitt besta og okkur tókst að skora gott jöfnunarmark.“
Rúmt ár er síðan Bologna fékk Andra frá Breiðabliki en hann hafði spilað einn leik í Pepsi Max-deildinni áður en hann hélt út.
Það kom fram í Dr. Football, hlaðvarpsþættinum í dag að frumraun Andra í Seriu A skili sér vel í kassa Breiðabliks. Þannig ku vera ákvæði í samningi Bologna og Breiðabliks um væna greiðslu.
Eftir því sem 433.is kemst næst er upphæðin vel yfir 10 milljónir. Blikar hafa grætt vel á frábæru unglingastarfi sínu síðustu ár og það virðist halda áfram.en