Sol Campbell, stjóri Southend var afar sáttur með frammistöðu Patriks Gunnarssonar sem lék sinn fyrsta leik með félaginu um helgina.

Patrik er 19 ára gamall markmaður en um er að ræða svokallað neyðarlán þar sem Southend vantar mann á milli stanganna, vegna meiðsla. Patrik er í eigu Brentford. Hermann Hreiðarsson er aðstoðarþjálfari Southend en hann vinnur þar með aðalþjálfaranum Sol Campbell.

Patrik lék sinn fyrsta leik gegn Burton um helgina en Southend er að falla úr League One. ,,Ég fékk Patrik inn því ég vildi fá eitthvað öðruvísi,“ sagði Campbell.

,,Patrik gerði frábærlega vel og hann átti ekki neinn möguleika í að bjarga þessum mörkum.“

,,Hann sýndi hversu góður hann er að grípa inn í hlutina og hversu vel hann getur hjálpað okkur. Hann kom seint inn, til að hjálpa okkur og hann gerði mjög vel.“