Prince Rajcomar, hollenskur framherji vakti mikla athygli á Íslandi þegar hann lék með KR og Breiðablik. Prince Linval Reuben Mathilda eins og hann heitir fullu nafni lék á Íslandi frá 2007 til 2009.
Prinsinn vakti athygli innan sem utan vallar, hann hafði gríðarlega hæfileika en virtist ekki alltaf nenna því að leggja sig fram. Hann ók um bæinn á hvítum Range Rover, hann lét breyta merkingunni á bílnum. Það stóð ekki bara Ranger Rover eins og venjulegum bílum heldur stóð Prince.
Þegar Prince gekk í raðir KR árið 2009 var Guðmundur Benediktsson, leikmaður KR. Guðmundur rifjar upp sögu af Prince í hlaðvarpsþættinum, Draumaliðið.
,,Prince Rajcomar kom inn á síðustu metrunum, rúllaði um á Range-inum, gott ef hann skipti honum ekki fyrir einhvern svartan Renault,“ sagði Guðmundur við Jóhann Skúla, stjórnanda þáttarins.
Þrátt fyrir að Prince hafi keyrt um allt, þá var hann án ökuréttinda. Hann hafði misst bílprófið en ók um með símanúmerið sitt á bílnum. ,,Gott ef hann var ekki búinn að missa bílprófið, en var með nafnið sitt, Prince og símanúmer í afturglugganum,“ sagði Guðmundur þegar hann fór yfir málið.
,,Það var ekki skynsamlegt, þegar þú ert ekki með bílpróf.“