Zinedine Zidane, stjóri Real Madrid, er orðinn verulega þreyttur á spurningum blaðamanna varðandi Gareth Bale.
Það er oft talað um að samband Bale og Zidane sé slæmt en Zidane reiddist eftir 4-1 sigur á Osasuna í gær.
,,Vandamálið er að það er fólk sem vill að það séu vandamál á milli mín og Gareth,“ sagði Zidane.
,,Það er einfaldlega ekki sannleikurinn og það hefur aldrei verið þannig. Hann hefur ekki spilað í síðustu þremur leikjum en stóð sig vel í 70 mínútur í dag.“
,,Við eigum marga leikmenn hérna og það er ekki auðvelt að jafna hópinn út.“
