Ivan Rakitic, leikmaður Barcelona, viðurkennir að hann sé ekki ánægður með vinnubrögð liðsins í janúar.
Rakitic vildi komast burt í janúarglugganum en hann hefur verið í varahlutverki á tímabilinu.
,,Það eru sumir hlutir sem hafa átt sér stað sem mér líkaði ekki við. Ég segi það skýrt út,“ sagði Rakitic.
,,Við vitum að það er fólk sem tekur þessar ákvarðanir en við erum ekki hér til að hlæja eða hafa gaman.“
,,Að lokum snýst þetta um hvað félagið telur að sé best. Við þurfum að sætta okkur við það að skilja ekki suma hluti.“
