Pep Guardiola er loksins búinn að viðurkenna það að Liverpool sé búið að vinna ensku úrvalsdeildina. Liverpool er með 22 stiga forskot á toppnum eftir að City tapaði 2-0 gegn Tottenham í gær.

Guardiola viðurkennir að City muni nú horfa á aðrar keppnir og að það sé ómögulegt að ná toppliðinu.,,Já við erum langt frá þeim. Liverpool er óstöðvandi og er með mörg stig. Við töpum stigum í leikjum eins og í dag, jafnvel á Anfield,“ sagði Guardiola.

Guardiola var gjörsamlega trylltur eftir tapið gegn Tottenham í gær, og las yfir sínum. Ensk blöð segja frá því að Guardiola hafi lesið yfir þeim í 50 mínútur inn í klefa.

Guardiola segir að hann hafi rætt málin við leikmenn og þjálfarateymi. ,,Ég var að ræða við starfsfólkið, konuna mína og leikmenn,“ sagði Guardiola.