Ólafur Kristjánsson, þjálfari FH, var að vonum smá súr í kvöld eftir 4-2 tap gegn Breiðablik í Pepsi Max-deild karla.
FH komst í 2-0 í leik kvöldsins en allt fór svo úrskeiðis eftir rauða spjald Davíðs Þórs Viðarssonar í seinni hálfleik.
,,Það var tilfinningin að við ætluðum að slátra þessum leik, kála þessum leik, þú getur sett alls konar orð á það í stöðunni 2-0,“ sagði Ólafur.
,,Ég held að strákunum hafi liðið vel inná. Við vorum fljótir að vinna boltann aftur og vorum að herja á þá. Við vorum kannski aðeins ónákvæmir þegar við áttum möguleika að setja í gegn.“
,,Í seinni hálfleik erum við ekki alveg í balance eftir að Davíð fær rauða spjaldið og þeir setja þá jöfnunarmarkið og það má segja í því marki og í því þriðja þá töpuðum við návígum okkar í teignum.“
,,Þeir eru helvíti flottir á móti okkur að setja fjögur á okkur í hvert skipti, til hamingju með það.“