Emmanuel Frimpong, fyrrum leikmaður Arsenal, er langt frá því að vera aðdáandi Samir Nasri en þeir voru saman hjá félaginu um tíma.

Samband þeirra hjá Arsenal var virkilega slæmt eftir að Nasri kenndi Frimpong um 2-0 tap gegn Liverpool.

Þeir hittust svo síðar er Nasri lék með Manchester City og ræddu reglulega saman á meðan leik stóð og eftir það.

,,Ég sagði honum bara að mér líkaði ekki við hann. Ég virði hann ekki og mun aldrei virða hann sem atvinnumann,“ sagði Frimpong.

,,Á meðan leiknum stóð þá sagðist hann geta keypt mig. Hann er það heimskur.“

,,Hann hefði örugglega getað það því hann átti margar milljónir en það sýnir enga virðingu.“

,,Hann var hrekkjusvín. Mér líður eins og hann hafi ekki vitað ábyrgðina sem fylgir því að vera eldri leikmaður sem á að hjálpa þeim yngri.“

Enski boltinn á 433 er í boði