Guðni Bergsson, formaður KSÍ er í skemmtilegu spjalli í hlaðvarpsþættinum, Draumaliðið. Þar velur hann besta liðið frá ferli sínum.

Guðni átti frábæran feril sem leikmaður, hann lék með Tottenham og Bolton á Englandi. Hjá Tottenham lék hann með einum fremsta knattspyrnumanni í sögu Englands, Paul Gascoigne.

Í seinni tíð hefur einkalíf Gascoigne mikið verið til umfjöllunnar, hann hefur glímt við harða baráttu við alkóhólisma. Guðni valdi Gascoigne í draumalið sitt en sagði skemmtilega sögur af honum.

,,Ég má ekki segja frá þessum bestu sögum, hann var svo ljúfur,“ sagði Guðni við Jóhann Skúla sem stýrir þættinum.

Guðni og Gascoigne bjuggu lengi vel saman á hóteli í London en hann var alltaf að hugsa um fólkið í kringum sig. ,,Ég man að ég var að fara í útileik með liðinu, þá hafði hann áhyggjur af Ellu konunni minni. Hann átti karaoke græju sem hann vildi lána henni, hann var hugulsamur.“

Gascoigne var óútreiknanlegur, í eitt skiptið fékk hann bílinn hans Guðna að láni. Honum var ekki skilað á tíma.

,,Svo komu fáránlegir hlutir eins og þegar hann fékk lánaðan bíl hjá mér, þá voru ekki neinir farsímar eða neitt. Hann ætlaði að skjótast, svo heyrðum við ekki í honum í 3-4 daga. Svo kom hann til baka með ensku landsliðstreyjuna og konfekt kassa. Þetta var rosalega ljúfur strákur.“

Enski boltinn á 433 er í boði