Alexis Sanchez var öskureiður á æfingu Manchester United á dögunum, hann var ósáttur við ungan dreng.
Mason Greenwood ungur sóknarmaður liðsins sparkaði þá hressilega í Sanchez á æfingunni. Ungir drengir eru oft nefndir kjúklingar í svona hóp.
Sanchez sem er þrítugur hefur ekki fundið taktinn hjá félaginu, hann kom fyrir einu og hálfu ári.
Hann hraunaði yfir þennan unga sóknarmann, ensk blöð segja frá. Honum fannst hann ganga of hart fram á æfingu.
Greenwood er 17 ára gamall en hann kom við sögu í 4-0 sigri liðsins á Chelsea um helgina.