Ef marka má fréttir á Spáni í dag hefur Neymar náð munnlegu samkomulagi við Barcelona um kaup og kjör.
Eftir tvö ár í París vill Neymar aftur til Barcelona, hann kann ekki vel við lífið hjá PSG.
Neymar hefur látið PSG vita af því, hann vill fara. Börsungar þurfa nú að semja við PSG um kaupverðið.
PSG greiddi 222 milljónir evra fyrir Neymar sumarið 2017, félagið vill án nokkurs vafa fá stærstan hluta af því til baka.
Neymar þénar 32 milljónir punda á ári hjá PSG, hann veit að laun hans þurfa að lækka, ætli hann til Barcelona. Hann fær 21 milljón punda á ári, gangi allt eftir.
Það er talsverð launalækkun, eða 1,4 milljarður á ári. Sagt er að Neymar geri fimm ára samning við Barcelona, fari allt í gegn.