Haukur Páll Sigurðsson, leikmaður Vals, var sáttur í dag eftir sigur á Grindavík í efstu deild.

Eitt mark var skorað á Origo vellinum í dag en Andri Adolphsson gerði það fyrir heimamenn.

,,Við fórum inn í þennan leik og ætluðum að halda hreinu. Við sköpum alltaf færi og vissum að við myndum gera það,“ sagði Haukur.

,,Það er alveg rétt að þetta snýst bara um að fara í hvern leik og sækja stig. Mér fannst við gera það vel í dag.“

,,Þeir eru mjög þéttir en það var lágt tempó á boltanum hjá okkur í fyrri hálfleik og allir að koma á móti boltanum, enginn að opna völlinn almennilega.“

,,Við vorum að fara í sömu svæðin en mér fannst við hækka tempóið í seinni hálfleik og vorum áræðnari. Svo þegar við komumst yfir þá klárum við þetta með þéttleika og skynsemi.“

,,Að sjálfsögðu var tapið gegn KR þungt en það þýðir ekkert. Við þurfum bara að halda áfram, það er það eina sem skiptir máli í þessu. Það tók smá á daginn eftir að vera komnir 2-0 yfir þar.“

Pepsi Max deildin á 433 er í boði