Liverpool ætlar að endurvekja áhuga sinn á Nabil Fekir, fyrirliða Lyon í sumar. Þetta segja miðlar í Frakklandi.
Fekir var afar nálægt því að fara til Liverpool fyrir ári síðan, hætt var við á síðustu stundu.
Fekir má fara í sumar en Liverpool vill ekki greiða 53 milljónir punda, verðmiði sem Lyon setur á hann.
Fekir er sóknarsinnaður miðjumaður, staða sem Jurgen Klopp vill styrkja í sumar.
Liverpool vann Meistaradeildina á dögunum og setur stefnuna nú á að vinna ensku úrvalsdeildina.
