Theodór Elmar Bjarnason, landsliðsmaður í knattspyrnu og Gazişehir Gaziantep í Tyrklandi, hefur ákveðið að hætta Twitter, sem er einn vinsælasti samfélagsmiðill í heimi.
Elmar hefur vakið mikla athygli á Twitter, hefur tekist á um hin ýmsu málefni. Skoðun hans hefur stundum verið umdeild, hann hefur hins vegar alltaf verið klár í að taka umræðuna.
Hann hefur sterkar skoðanir á málefnum líðandi stundar, hann hefur ákveðið að leggja símann niður.
,,Ég hef ákveðið að hætta að nota Twitter, ég eyði of miklum tíma hérna,“ skrifar Elmar á Twitter í dag.
,,Allir eru farnir að verða fyrirsjáanlegir og leiðinlegir, ég þar á meðal.“
Hann þakkar þeim sem hafa rætt við sig, hann ætli nú að taka sér frí.
,,Ég þakka öllum sem hafa fylgt mér og rætt við mig, núna er tímapunkturinn til að leggja símann niður.“