Um er að ræða skoðunargrein sem birtst í síðasta tölublaði DV:
Erik Hamren er á leið í sitt stærsta próf sem landsliðsþjálfari Íslands, prófið gæti einnig orðið það síðast ef illa fer. Undankeppni Evrópumótsins hefst á föstudag í næstu viku og fer Ísland í heimsókn til Andorra og Frakklands þremur dögum síðar. Tap gegn Andorra myndi setja mikla pressu á Hamren í starfi og Guðni Bergsson, formaður KSÍ, yrði að íhuga stöðu hans. Hamren hefur ekki unnið leik í starfi; átta leikir og ekki einn sigur. Ísland hefur annars mætt Andorra fimm sinnum og unnið alla leikina.
Svíinn valdi hóp sinn fyrir verkefnið í gær (fimmtudag), það kom fátt á óvart í vali Hamren, nema sú staðreynd að hann velur aðeins tvo hreinræktaða framherja. Jón Daði Böðvarsson er meiddur og Viðar Örn Kjartansson gefur ekki kost á sér. Skilaboðin sem aðrir framherjar, sem höfðu vonast eftir því að verða valdir, fá, eru fremur einföld frá Hamren, þeir eru ekki nógu góðir að hans mati.
Kjartan Henry Finnbogason, Hólmbert Aron Friðjónsson og Andri Rúnar Bjarnason eru menn sem koma upp í hugann, þeir eru ekki nógu góðir að mati Hamren til að geta nýst íslenska landsliðinu, þegar meiðsli herja á aðra framherja.
Andorra leikur heimaleiki sína á gervigrasi sem veldur talsverðum áhyggjum enda hafa lykilmenn verið að glíma við meiðsli. Alfreð Finnbogason er einn þeirra og Aron Einar Gunnarsson hefur ekki farið í felur með að líkami hans hefur ekki verið alveg heill, þótt hann spili flesta leiki með Cardiff. Það gæti því gerst og er ansi líklegt að Aron verði ekki í byrjunarliðinu í Andorra, heilsunnar vegna.
Smelltu hér til að sjá landsliðshóp Hamren
Hörður Snævar Jónsson: