Gary Cooper, stuðningsmaður Arsenal á Englandi, hefur beðist afsökunar á hegðun sinni um helgina.
Cooper hljóp inná völlinn í 2-0 sigri Arsenal á Manchester United um helgina en hann ýtti í Chris Smalling varnarmann gestanna áður en hann reyndi að fagna með leikmönnum heimaliðsins.
Cooper segist skammast sín verulega eftir þessa hegðun en hann er ekki vanur að láta tilfinningarnar taka yfir.
,,Ég skammast mín svo mikið, ég hef brugðist sjálfum mér og fjölskyldu minni,“ sagði Cooper.
,,Það sem gerðist var ekki líkt mér. Ég er enn í sjokki og mér líður ömurlega.“
,,Ég vil biðja Chris Smalling, Manchester United og Arsenal afsökunar. Ég missti mig í gleðinni og lét eins og fífl með því að hlaupa inn á völlinn.“
,,Ég ætlaði aldrei að fara að Chris Smalling. Hann var þarna þegar ég ætlaði að fagna með leikmönnum Arsenal.“