Gary Neville, goðsögn Manchester United, segir að Ole Gunnar Solskjær, stjóri liðsins, þurfi að vera sjálfselskur í janúar.
Það styttist í að janúarglugginn í Evrópu opni á ný og telur Neville að United þurfi á leikmönnum að halda.
Gengið hefur ekki verið nógu gott á þessari leiktíð en þrátt fyrir það er ekki víst hvort Solskjær fái pening til að eyða.
,,Ole Gunnar Solskjær þarf að fara og eyða peningum sjálfur í janúar, fyrir sjálfan sig,“ sagði Neville.
,,Hann verður að eyða peningum félagsins í tvo eða þrjá reynslumikla leikmenn, hann þarf að heimta það.“