Stjórn KSÍ er einhuga um að stefna að því að leika á Laugardalsvelli 26. mars 2020 en er meðvituð um þá áhættuþætti sem eru til staðar. Ísland mætir þá Rúmeníu í undanúrslitum, um laust sæti á EM á næsta ári. Vinni liðið leikinn mun liðið svo mæta Ungverjalandi eða Búlgaríu í úrslitum um laust sæti á EM.

KSí samþykkti á fundi sínum að kaupa yfirbreiðsludúk og jarðhitamæli vegna leiksins, mikill kostnaður verður við að halda vellinum leikfærum. Þannig verður ráðinn inn auka starfsmaður vegna málsins.

Af vef KSÍ – Undirbúningur landsleiks Íslands og Rúmeníu 26. mars 2020
Kristinn V. Jóhannsson kynnti hvað þegar hefur verið gert til að auka möguleikana á því að Laugardalsvöllur verði leikhæfur í mars 2020. Þá kynnti Kristinn ýmsar hugmyndir um frekari aðgerðir á vellinum næstu mánuði.

Klara Bjartmarz framkvæmdastjóri kynnti frumdrög að kostnaðaráætlun fyrir leikinn í mars. Það eru margir óvissuþættir varðandi kostnað við þessa leiki, en enginn vafi leikur á því að leikirnir verða mjög kostnaðarsamir fyrir Laugardalsvöll/KSÍ.

Stjón KSÍ samþykkti tillögu framkvæmdastjóra að skipaður verði starfshópur með aðkomu hagaðila um leikinn og möguleika á því að leika á Laugardalsvelli. Gert er ráð fyrir að fyrsta samantekt um tilvikagreiningar og áhættumat verði lögð fyrir næsta stjórnarfund. Framkvæmdastjóra falið að leiða þessa vinnu.

Stjórn samþykkti að kaupa nýjan yfirbreiðsludúk og sérstaka jarðhitamæla vegna leiksins. Þá var og samþykkt að bæta við tímabundnu stöðugildi á Laugardalsvöll frá 1. desember 2019.

Rætt um að taka saman stutta samantekt um málið til birtingar og einnig sérstaka samantekt til að senda á ríki og borg vegna málsins og þess kostnaðar sem hlýst af undirbúningi leiksins.
Stjórn þakkaði Kristni fyrir greinargóða samantekt.