Gareth Bale, kantmaður Real Madrid og Wales var eflaust ekki glaður þegar hann komst að þeim reglum sem Ryan Giggs, þjálfari Wales verður með næsta sumar.
Bale elskar að spila golf og er sagður hafa meiri áhuga á því en að standa sig fyrir Real Madrid.
Bale hefur verið duglegur að nýta frítíma með landsliðinu og skellt sér í golf með Aaron Ramsey og fleirum.
Á Evrópumótinu næsta sumar má Bale hins vegar ekki fara í golf, Giggs vill að leikmenn einbeit sér að fótbolta á meðan Evrópumótið fer fram.
Bale ku vera afar öflugur golfari en hann spilar golf mikið í Madríd þar sem hann nýtur lífsins, þrátt fyrir að félagið vilji losna við hann.
Bale hefur verið gjarn á að meiðast og er Giggs sagður ætla að banna golf svo að hann sé ekki að setja auka álag á líkama sinn.