Jurgen Klopp, stjóri Liverpool, segist virða Pep Guardiola, stjóra City, og er búinn að gleyma ummælunum sem hann lét falla á dögunum.
Guardiola sagði að Sadio Mane ætti það til að henda sér í grasið og fór það ekki of vel í Þjóðverjann.
Guardiola útskýrði ummælin svo betur og virtist draga þau til baka um leið.
,,Ég og hann erum í sömu stöðu. Við erum alltaf spurðir sömu spurninga og stundum þá segjum við okkar skoðun án þess að hugsa um annað,“ sagði Klopp.
,,Hann útskýrði mál sitt vel. Hann sagði að hann myndi tala svona við börnin sín, um hvort þetta hafi verið víti eða ekki – þau ræddu þetta heima.“
,,Það er ekkert að því. Ég gæti ekki borið meiri virðingu fyrir Pep Guardiola. Ég hef þekkt hann svo lengi og það þýðir mikið fyrir mig að vera hans keppinautur.“
Enski boltinn á 433 er í boði 
