Chris Coleman, fyrrum landsliðsþjálfari Wales, hefur reynt að hafa samband við goðsögnina David Beckham.
Coleman hefur áhuga á að taka við liði Inter Miami sem hefur keppni í MLS-deildinni á næsta ári.
Það lið er í eigu Beckham sem var sjálfur frábær knattspyrnumaður á sínum tíma.
Coleman hefur átt sérstakan þjálfaraferil og reyndi á meðal annars fyrir sér í Kína þar sem ekkert gekk upp.
,,Ég vil reyna fyrir mér erlendis á ný. MLS deildin er svo sannarlega spennandi en það er erfitt að komast að þar,“ sagði Coleman.
,,Ég hef sent David Beckham nokkur skilaboð en hann svarar mér ekki!“