Orri Steinn Óskarsson, sóknarmaður Gróttu hefur skrifað undir hjá FCK. Hann gengur í raðir félagsins á nýju ári. Hann mun hefja leik með U17 ára liði FCK.
Orri Steinn er 15 ára gamall en hann skoraði fyrsta mark Gróttu þegar liðið tryggði sér sæti í Pepsi Max-deild karla í haust. Óskar Hrafn Þorvaldsson, faðir hans er þjálfari Breiðabliks.
Orri er fæddur árið 2004 en hann skoraði eitt mark í 14 leikjum í næst efstu deild hér á landi í sumar.
BT í Danmörku segir að Orri Steinn hafi hafnað Arsenal til að ganga til liðs við FCK en FC Nordsjælland í Danmörku, vildi einnig fá hann.
Orri hefur spilað fyrir U15, U16 og U17 ára landslið Íslands og er gríðarlegt efni.