Nicky Butt, fyrrum leikmaður Manchester United og þjálfari hjá félaginu í dag, var handtekinn á dögunum. Hann er sakaður um að hafa lagt hendur á eiginkonu sína.
Butt og Shelley Butt, ákváðu á síðasta ári að skilja en þau höfðu verið gift í ellefu ár. Samband þeirra var komið á endastöð. Skilnaðurinn er þó ekki genginn í gegn.
Shelley býr enn í húsinu sem þau áttu saman. Húsið er metið á 7 milljónir punda eða, rúman milljarð. Butt var handtekinn á heimilinu eftir átök en Shelley segir Butt hafa lamið sig.
Þrír lögreglumenn mættu á heimilið sem Butt heimsækir reglulega, til að hitta tvö börn sem þau eiga saman.
Butt mætti fyrir rétt í dag en hann er ákærður að leggja hendur á Shelley og brjóta Iphone síma hennar. Butt hefur frá fyrsta degi neitað sök og gerði það á nýjan leik fyrir framan dómara í dag.
Butt og Shelley koma aftur í réttarsal í febrúar þar sem málið verður klárað.