Barceona hefur borgað 13 milljóna punda sekt til Atletico Madrid, félögin hafa náð samkomulagi um það. Ástæðan eru kaup Börsunga á Antoine Griezmann í sumar.
Atletico Madrid sakaði Börsunga um að ræða ólöglega við Griezmann í sumar, sem Börsungar virðast nú viðurkenna.
Atletico Madrid ætlaði að kæra Börsunga en félagið ræddi við Griezmann áður en klásúla í samningi hans lækkaði. Félagið lagði svo fram tilboð í júlí þegar Griezmann kostaði 108 milljónir punda.
Í samningi félagana kemur einnig fram að Börsungar geti ekki verið það félag sem leggur fyrst fram tilboð í sex leikmenn Atletico, um er að ræða Saul Niguez og fleiri öfluga pilta.
Griezmann er að finna taktinn með Barcelona en kaupverðið á endanum er 121 milljón punda, eftir að Barcelona viðurkenndi brot sitt.