Tryggvi Hrafn Haraldsson, leikmaður ÍA, er á leið til Íslandsmeistara KR fyrir næsta tímabil.
Frá þessu greinir fyrrum leikmaðurinn Kristján Óli Sigurðsson en hann er einn af umsjónarmönnum hlaðvarpsþáttarins Dr. Football.
Kristján greindi frá því í þætti gærdagsins að KR væri búið að leggja fram tilboð í sóknarmanninn.
,,Ég er með heimildarmenn út um allt land og Vesturbærinn er mér kær,“ sagði Kristján í þættinum.
,,Það er nú ekki flókið, þeir eru búnir að bjóða í besta leikmann Skagamanna, Tryggva Hrafn Haraldsson.“
Mikael Nikulásson, einn af sérfræðingum þáttarins, er á því máli að þetta séu góð kaup hjá KR og að Tryggvi eigi að taka stökkið.
,,Ég held að það sé tímapunkturinn fyrir hann að fara núna ef þetta er rétt hjá Stjána. Ég er hjartanlega sammála KR að bjóða í þennan dreng.“
,,Ég held að þetta sé rétti tíminn fyrir hann, hann var ekki að fitta þarna inn í sumar eftir góða byrjun og þetta er bara tímapunktur fyrir hann að fara.“