Það er pressa á Ole Gunnar Solskjær, stjóra Manchester United, fyrir leik gegn Liverpool um helgina.

United hefur alls ekki verið sannfærandi undanfarnar vikur og er aðeins með níu stig eftir átta leiki.

Liverpool er á meðan með gott forskot á toppnum og hefur verið óstöðvandi í deildinni í vetur.

Haraldur, Noregskonungur, mun mæta á leikinn á Old Trafford um helgina og fylgjast með gangi mála.

Haraldur er hins vegar enginn stuðningsmaður United en hann heldur með Tottenham og hefur gert í mörg ár.

Solskjær bauð Haraldi að mæta á leik helgarinnar en hann mun þó ekki styðja United áfram í viðureigninni.