Didier Deschamps, þjálfari Frakklands er mættur aftur til Íslands í fyrsta sinn i 21 ár. Hann kom hingað síðast sem leikmaður Frakklands árið 1998.
Frakkar mæta laskaðir til leiks en Kylian Mbappe, stórstjarna liðsins mætti til æfinga en varð að hætta við að taka þátt. ,,Við mátum það þannig að Mbappe væri ekki leikfær, hann þyrfti meiri tíma til að ná sig. Mbappe vildi koma og reyna en það gekk ekki,“ sagði Deschamps í Laugardalnum í dag.
Hvaða maður mun fylla skarð Mbappe? ,,Mbappe hefur sérstök gæði sem fáir hafa, það er erfitt að fá alveg sömu týpuna inn. Við munum samt ekki breyta neinu, ég hefði alltaf valið að hafa Mbappe.“
Frakkar unnu 4-0 sigur á Íslandi í mars í undankeppni EM, Deschamps horfir ekki í það. ,,Við búumst ekki við eins leik, Ísland er betra lið á heimavelli. Aðstæður eru öðruvísi, þetta verður erfitt líkamlega. Ísland eru góðir í föstum leikatriðum, löngum innköstum sem þeir eru góðir í. Tæknilega eru þeir fínir og eru öflugir á heimavelli.“
Frakkar eru einnig án Paul Pogba og Hugo Lloris sem eru mikilvægir karakterar í hópnum. ,,Pogba og Lloris eru mikilvægir í hópnum, Lloris er okkar fyrirliði, Pogba er duglegur að láta í sér heyra, auðvitað vildi maður hafa alla. Við treystum hinum til að stíga upp.“
Deschamps staðfesti að Lucas Hernandez, bakvörður Bayern væri klár á morgun. ,,Ég veit ekki hvort hann sé leikfær í 90 mínútur en hann er klár.“
Hann var spurður um heimsókn sína hingað sem leikmaður árið 1998, þegar þá Heimsmeistarar Frakka komu og gerðu 1-1 jafntefli á Laugardalsvelli. ,,Leikmenn tengja ekki mikið við leikinn frá 1998, þeir voru svo ungir. Ég man sjálfur vel eftir þeim leik. Við vorum búnir að vinna HM, það var ekkert vanmat þannig. Það var eitthvað annað sem olli jafntefli, ég mun ekki ræða þann leik við leikmennina. Ég mun heldur ekki ræða leikinn við þá í mars, við berum virðingu fyrir leikinn. Það eru sérstakar aðstæður, grasið er gott. Völlurinn er opinn og hlaupabraut, fáir áhorfendur. Leikmenn mínir eru ekki vanir slíkur en við tökum allan undirbúning alvarlega, ég mun ekkert fara yfir 1998 leikinn.“