Tammy Abraham, leikmaður Chelsea, varð fyrir rasisma í síðasta mánuði eftir leik gegn Liverpool í Ofurbikar Evrópu.

Abraham klikkaði á mikilvægu víti í vítaspyrnukeppni og fékk í kjölfarið ógeðsleg skilaboð á netinu.

Abraham viðurkennir að það hafi verið erfitt og þá sérstaklega fyrir móður sína sem er ekki vön slíku.

,,Ég man eftir að hafa rætt við mömmu og hún var full af tilfinningum, hún grét,“ sagði Abraham.

,,Hún hugsaði bara, af hverju ég? Það er ekki skemmtilegt að heyra, að sonur þinn sé að fá áreiti.“

,,Ég er sterkur og þetta hefur ekki eins mikil áhrif á mig. Það gæti hins vegar haft áhrif á þau sem eru ekki með sama persónuleika og ég. Þetta var erfið stund fyrir mig.“