Hörður Snævar Jónsson skrifar frá Tirana:

Íslenska landsliðið kom til Albaníu í gær, vel fór um íslenska landsliðið í fluginu. Beint flug til Tirana frá Keflavík, með Icelandair.

Íslenska liðið mætir heimamönnum á morgun í undankeppni EM, erfitt verkefni en sigur er það eina sem er í boði. Baráttan á toppi riðilsins er hörð en Tyrkir og Frakkar hafa 12 stig líkt og Ísland.

Íslenska landsliðið vann fínan sigur á Moldóvu á laugardag en verkefnið er snúið á morgun, Albanía er með ágætis lið og er erfitt að sækja þá heim.

Gegn Moldóvu ákvað Erik Hamren að spila 4-4-2 kerfið en við teljum að hann fari í 4-5-1 eða 4-4-1-1 á morgun. Þannig er líklegt að Emil Hallfreðsson komi inn á miðsvæðið og þá teljum við að Rúnar Már Sigurjónsson komi á hægri kantinn.

Það yrði þá á kostnað Jóns Daða Böðvarssonar og Arnórs Ingva ef við lesum rétt í spilin sem Hamren hefur á hendi.

Líklegt byrjunarlið Íslands:
Hannes Þór Halldórsson
Hjörtur Hermansson
Ragnar Sigurðsson
Kári Árnason
Ari Freyr Skúlason
Rúnar Már Sigurjónsosn
Emil Hallfreðsson
Aron Einar Gunnarsson
Birkir Bjarnason
Gylfi Þór Sigurðsson
Kolbeinn Sigþórsson