Philippe Coutinho, leikmaður Barcelona, veit ekki hvort hann eigi enn framtíð fyrir sér hjá félaginu.
Coutinho gekk í raðir Barcelona á síðasta ári frá Liverpool en stóðst ekki væntingar á sinni fyrstu leiktíð.
Hann er sterklega orðaður við brottför en Coutinho veit sjálfur ekki hvað gerist í sumar.
,,Ég er samningsbundinn Barcelona og mun gera allt sem ég get til að ná árangri hjá því félagi,“ sagði Coutinho.
,,Margt sem fjölmiðlar segja er bara ekki satt en varðandi mína framtíð þá veit ég ekki hvað gerist, það er sannleikurinn.“