Fyrrum knattspyrnumaðurinn Justin Edinburgh er látinn en þetta var staðfest í kvöld.
Edinburgh er fyrrum leikmaður Tottenham á Englandi en hann lék yfir 200 deildarleiki með félaginu frá 1990 til 2000.
Undanfarin ár hafði Edinburgh gert það gott sem knattspyrnustjóri og var síðast hjá Leyton Orient.
Edinburgh kom Leyton Orient upp um deild á tímabilinu sem var að ljúka og hefur verið í sumarfríi undanfarið.
Englendingurinn veiktist skyndilega eftir úrslitaleik Meistaradeildarinnar og var fluttur á sjúkrahús.
Nú er búið að staðfesta að Edinburgh hafi þar látist aðeins 49 ára að aldri.
Edinburgh var giftur eiginkonu sinni Kerri og skilur eftir sig tvö börn, Charlie og Cydnie.
