Jurgen Klopp, stjóri Liverpool, ákvað að losa sig við leikmann í heimsklassa á dögunum, að eigin sögn.

Klopp ræðir þar bakvörðinn Alberto Moreno sem verður samningslaus í sumar og fær ekki nýjan samnin á Anfield.

Moreno fékk nánast ekkert að spila á tímabilinu sem var að ljúka en Klopp mun sakna hans í klefanum.

,,Alberto er í heimsklassa og ég veit að hann verður mættur aftur í spænska landsliðið bráðlega,“ sagði Klopp.

,,Persónuleiki Alberto lýsir leikstíl hans fullkomlega. Hann iðar af lífi, er orkumikill og er alltaf jákvæður.“

,,Það er ótrúlegur karakter sem er alltaf tilbúinn að gera allt til að hjálpa liðinu.“