Þórsarar spila með upphafsstafi Baldvins Rúnarssonar á treyjunni það sem eftir er leiktíðar. Baldvin féll frá í síðustu viku eftir harða baráttu við krabbamein.

Andri Yrkill Valsson, blaðamaður Morgunblaðsins skrifaði fallega grein í blaðið í vikunni um Baldvin. Þar talar hann um fólkið sem styður við íþróttafélög sín, mikilvægi sjálfboðaliða og stuðningsmanna.

Andri skrifar pistilinn til minningar um Baldvin, 25 ára Akureyringinn sem lést um helgina. Baldvin hafði háð harða baráttu við krabbamein til margra ára.

„Á sunnu­dag­inn var lék knatt­spyrnulið Þórs með sorg­ar­bönd til minn­ing­ar um Bald­vin Rún­ars­son sem lést á föstu­dag eft­ir erfið veik­indi, aðeins 25 ára gam­all. Til greina kom að fresta deild­ar­leik Þórs og Þrótt­ar, en eins og sagt er frá á heimasíðu Þórs þá sneru leik­menn bök­um sam­an og sögðu: „Vinn­um leik­inn fyr­ir vin okk­ar og fé­laga Bald­vin Rún­ars­son.“

Leikmenn Þór fögnuðu mörkunum með því að benda til himins, sigurinn gegn Þrótti var fyrir Baldvin.

„Það var fal­legt að sjá hvernig leik­menn minnt­ust hans, fögnuðu mörk­um sín­um með því að benda til him­ins og til­einkuðu hon­um sig­ur­inn. „Við tók­um það með inn á völl­inn í dag sem hann kenndi okk­ur með líf­inu. Hann gafst aldrei upp,“ sagði Jón­as Björg­vin Sig­ur­bergs­son eft­ir leik.“

Treyjuna má sjá hér að neðan.