Gareth Bale, leikmaður Real Madrid, er ekkert of ánægður þessa dagana.

Bale fær lítið að spila hjá Real og gæti verið á förum frá félaginu í sumarglugganum.

Miðað við ummæli Bale í dag þá er hann sorgmæddur og er byrjaður að hugsa um knattspyrnu á neikvæðari hátt.

,,Þú færð lífið þitt aftur þegar þú hættir. Þú færð ekki að velja þína eigin dagskrá eins og kannski í golfi eða tennis,“ sagði Bale.

,,Við erum eins og vélmenni. Okkur er sagt hvert á að fara, hvar við eigum að vera, hvenær við eigum að borða og hvenær við eigum að ræða við stjórann.“

,,Það er eins og þú tapir lífinu á þessari leið. Þér er alltaf sagt hvað á að gera.“