Albert Guðmundsson og félagar í AZ Alkmaar fengu boð frá enska úrvalsdeildarliðinu Liverpool á dögunum.
Frá þessu er greint í dag en Liverpool vildi fá að leika æfingaleik við AZ fyrir úrslitaleik Meistaradeildarinnar.
Það eru nánast þrjár vikur á milli leikja Liverpool eða frá síðasta deildarleiknum og svo þar til úrslitin fara fram.
Jurgen Klopp, stjóri Liverpool, vildi spila við AZ í æfingaleik í Madríd viku áður en leikurinn við Tottenham fer fram.
AZ hefur hins vegar hafnað því boði Liverpool þar sem hollenska deildin er búin og eru leikmenn farnir í frí.
Albert missir því af því tækifæri að mæta stórstjörnum Liverpool en leikmenn snúa aftur til æfinga þann 19. júní.
