Kolbeinn Sigþórsson samdi við lið AIK í Svíþjóð fyrir þetta tímabil en hann kom til félagsins á frjálsri sölu.

Kolbeinn hefur verið mikið meiddur síðustu ár og var leystur undan samningi hjá Nantes í Frakklandi.

Hann ræddi við Aftonbladet í Svíþjóð í dag og greinir þar frá því að hann hafi fengið tilboð frá Asíu.

Það er ljóst að Kolbeinn hefði þénað mun hærri upphæð í Asíu en hann er ekki reiðubúinn að kveðja Evrópu strax.

,,Já ég fékk þónokkur tilboð. Ég var með þann möguleika á að fara til Asíu en mér finnst ég enn geta lagt mitt af mörkum í Evrópu,“ sagði Kolbeinn.

,,Ég er enn á góðum aldri og tel að ég geti komist á þann stað sem ég var á áður.“

,,Ég sé þetta sem skref upp á við. Tækifæri fyrir mig til að endurbyggja. Síðasta tækifærið til að spila í bestu deildunum.“